අයිස් වතුරෙන් නෑමේ අභියෝගය

මේ දවස් වල සමාජ ජාල වෙබ් අඩවි වල සැරිසරන ඔබට ලෝකයේ තාක්ෂණික සමාගම් වල ප්‍රකට චරිත වතුර බාල්දියකින් නාගන්න විඩියෝපට දකින්න ලැබිලා ඇති. සමහරවිට ඔබට හිතෙන්න ඇති එම විඩියෝ ව්‍යාජ ඒවා හෝ සංස්කරණය කළ එ්වා කියලා. නැහැ. එම විඩියෝ පට සැබෑ විඩියෝ පට වෙනවා. මේ ලිපිය ඔස්සේ අපි ඔබව දැනුවත් කරන්නේ මොකද්ද මේ ඇදගෙන නාන විඩියෝ ටික කියලයි.
Microsoft නිර්මාතෘ Bill Gatesමෙම ව්‍යාපෘතිය නම් කොට ඇත්තේ Ice Bucket Challenge ලෙසයි. ඇමරිකාවේ චාලක න්‍යුරෝන ආබාධය (motor neurone disease) සහිත රෝගින් සදහා වන ALS association සංවිධානයෙහි අරමුදලට මුදල් එක්රැස් කිරිම හා ඒ ආශ්‍රිත රෝග පිළිබදව ජනතාව දැනුවත් කිරිම මෙම ව්‍යාපෘතියෙහි අරමුණයි.
ප්‍රකට චරිත සදහා මෙම ව්‍යාපෘතිය ඔස්සේ අභියෝගයක් ලැබෙන අතර එමගින් ඔහුට හෝ ඇයට අභියෝගය භාරගෙන අයිස් වතුරෙන් නෑම හෝ මෙම ව්‍යාපෘතිය සදහා මුදල් ලබාදිම සිදුකළ හැකියි. එමෙන්ම මෙහි නීති වලට අනුව මුලින්ම අභියෝගය භාරගෙන අයිස් වතුර බාල්දියකින් නාන පුද්ගලයා පැය 24 ක් තුළ තවත් පුද්ගලයෙකු නම් කළ යුතුවෙනවා. එලෙස පුද්ගලයෙකු නම් කිරීමට හෝ එම අයිස් වතුරෙන් නෑමේ අභියෝගය සම්පුර්ණ කර ගැනීමට නොහැකි නම් එම පුද්ගලයා විසින් මෙම අරමුදලට ඩොලර් 100 ක මුදලක් තැන්පත් කල යුතු බවයි වාර්තා වෙන්නේ. එමෙන්ම මෙම Ice Bucket Challenge එකේ අභියෝගය වන තමන් විසින්ම අයිස් වතුර බාල්දියකින් නාගෙන එය අන්තර්ජාලයට එක් කළ යුතු අතර පැය 24ක් තුල මිළග අභියෝග කරුවා නම් කළහොත් අදාල පුද්ගලයා මෙම අරමුදල සදහා ඩොලර් 10ක මුදලක් තැන්පත් කළ යුතුයි.
මේ වන විට ලොව සුප්‍රකට චරිත මෙම අභියෝගය එක් වි ඇති අතර තාක්ෂණික ලොවේ දැවැන්ත සමාගම් වල නිර්මාතෘ වරුන් හා විධායක නිළධාරින්ද මේ සදහා එක්විම විශේෂ කරුණක්. ඒ අනුව Facebook නිර්මාතෘ Mark Zuckerberg ද අයිස් වතුර බාල්දියකින් නාගත් අතර ඔහු විසින් අභියෝගය ලබාදි ඇත්තේ Microsoft හි හිමිකරුවන Bill Gates හටයි. ගේට්ස් මහතා මෙම අභියෝගය භාර ගෙන ඔහුද අයිස් වතුර බාල්දියක් හිස මත හලාගෙන තිබෙනවා.
මිට අමතරව තාක්ෂණික ලොවෙහි ප්‍රබල චරිත මෙම ව්‍යාපෘතියට එක්වෙමින් අයිස් වතුර හිස මත හලාගත් විඩියෝ ඔවුන් විසින්ම අන්තර්ජාලයට එක් කොට තිබෙනවා. එම විඩියෝ පහත ලින්ක් ඔස්සේ ඔබට නැරඹිය හැකියි.
Click Here to Watch the Videosමෙම ව්‍යාපෘතිය හිමි ALS association නමැති සංවිධානය පවසා ඇත්තේ, මෙම දැනුවත් කිරීම හරහා ඔවුන්ගේ අරමුදල අමෙරිකානු ඩොලර් මිලියන 3කින් ඉහළ ගොස් ඇති බව යි.

Facebook නිර්මාතෘ Mark Zuckerberg
Google සමාගමේ සම නිර්මාතෘ වරුන් වන Larry Page හා Sergey Brin

Show